انا هحكي حكاية يا أخوان
حكاية شعب عاش كحيان
في حكم عسكر مالهمش أمان
كان ياما كان
فيه ثورة زمان
صداها سمع كل مكان
كان عاملها شباب حلوين
مختلف الدين و الألوان
ابريل و كفاية و الأخوان
و كان كلمتهم هي واحدة
يسقط يسقط الطغيان
و أتحقق حلمنا المستحيل
ده كل ظالم و له آوان
و راح الحكم لكبير العسكر
و يا فرحة ما تمت يا إخوان
لعبوا لعبة كبيرة علينا
مكناش حطينها في الحسبان
و اللي لعبها كان إنسان
تفكيره سوء و دماغه شيطان
مالهوش دين و لا عنوان
و راحت الثورة يا أخوان
راحت في نطاق النسيان
و ذلو الشعب زي ما كان
لغاية ما قال انا الغلطان
وعملنا اتنخابات نزيهة
وبأشراف قضائي
خدوها الأخوان
و الريس قال في 100 يوم
كل شيء هيبقى تمام
فضلوا شهور يغنوا علينا
لا تقول ام كلثوم و لا أسمهان
بس احنا مكناش عايزين قضاء
احنا كنا عايزين دجال
قارئة كف أو فنجان
تكشف لنا ألاعيبهم
و كذبهم عــ الشعب الغلبان
و لو في يوم اجي اعارضهم
ابقى كافر
لأ .. و ملحد كمان
هو احنا نخلص من طغيان
يجلنا طاغي الطغيان
ده احنا علشان دستور مكمل
كسرنا الحواجز و البيبان
فاكر هو لما يعملهولنا
هنقول تحت أمرك ياسلطان
لأ اصحى و فوق
و متبقاش كسلان
انزل بين الشعب و شوفه
ده شعب واعي مش عميان
هما شوية صبر عليك
و شوية شوية خلاص هينفذ
و مكانك هيبقى في اللومان
و لكن الحكاية ملهاش نهاية
بس كل شئ و له آوان
أبـــداع : محـــمــد ســعــيد
لقد دخلنا الأجواء المصرية يرجو ربط الأحزمة لنستعد للهبوط
هبطنا بسلام مطار القاهرة الدولي يرحب بكم الساعة الآن بالتوقيت المحلي و درجة الحرارة
أبتسمت و فرحة دخول مصر أم الدنيا و تفاؤل شديد بأعرق الجامعات العربية
يخرج الواحد من المطار و يتهافت عليه سواقين التاكسي
أتفضل يا بيه أوصلك مطرح ما أنت عايز
السفارة الفلانية / المنيل / المنطقة الفلانية
150 جنيه يا باشا و أنا كده مراعيك علشان بتنورنا أول مرة
المهم الواحد ركب و مشي عليه السعر
و بعدين إلى السفارة و بعدها قسم الوافدين بتاع الطوابق الكبيرة و المكاتب الكتيرة و أفضل لف بينهم بعدها يقولك روح أبدأ الدراسة طب أزاي تروح الكلية يقلك خُش أحضر بس أنت لسه ورقك ما جاش برضه طب الورق بهبب أيه من شهرين ده أحنا في شهر 11 و فيه ناس لحد شهر 1 و بعضهم راحت عليهم السنة أصلاً منتظر الموافقات الأمنية لأننا أكيد حسب ما بتعرفوا مشروع أرهابيين
نيجي لداخل الكلية تدخل السكشن أو المحاضرة و تكون بقمة الأزبهلال باللي فاتك في شهرين التأخير (أصله علشان الورق اللي ما جهزش) أنت و لا فاهم حاجة و الناس بتشارك مثلاً تخش الهستولوجي ( زي ما بيقولوا دي أسهل مادة ) تقول أن كان دي أسهل حاجه الباقي أيه تقول يا حلاوة باين من أولها نيلة يقولولك هتخش دروس طبعاً أول مرة تلاقي جامعة فاتحة فرع سناتر و مازلت بالإزبهلال تخش الدرس أيه ده كل دول في الدرس طب الجامعة موجودة ليه
أما السكن دة بلوى مادية لوحده السماسرة يقشروك و أصحاب البيت أفظع إلا من رحم ربي و يقولك دة السوق مش عجبك دور على غيري أصلي شوال فلوس مخروم
ندخل في الحياة اليومية طبعاً مش عارف ياكل أيه و لا يخرج أزاي و لا يقطع الشارع و لا المكان ده ولا ده في الشارع كله مع بعضه السيارات و الباصات و الموتسيكلات و عربيات الكارو طبعاً غير الناس الكتيرة قوي بس بصراحة ربنا يخلي المترو صحيح انك بتخشه بتتفعص و تتبهدل بس يقضي الغرض و بالمناسبة هو بيقرب بين الناس علشان العلاقات تقوى بين الناس ويفضلوا يحبوا بعض
و تمضي الأيام و الشهور و السنين و تتعود و تحب البلد و الناس اللي فيها و تحس بالأنتماء للمكان و الجامعة
تتعلم البساطة من الناس و روح النكتة منهم تعاشر زمايلك و تقول يا ريتني بعرفكم من زمان و تحس بقربهم كأنهم عيلتك في مصر و تحس قد أيه هما حابين يخدموك و تقول عمار يا مصر تكتشف كنوز بالكلية دكاترة على مستوى عالي و طلبة رائعين بس ناقصين تنظيم لأنه النظام المكتوب باللايحة من زمن ورق البردي
اتعلمت منك يا مصر حاجات كتيير اكتر من ما كنت أتصور و أتحطيت بمواقف خلتني أقوى ماعتقدش أني ممكن أتعلمها لو كنت ببلدي و عند أهلي لما أتخرج يكون معايا حاجتين شهادة الطب –أن شاء الله- و خبرة بالحياة
فيه جملة عند الوافدين بتقول اللي يخش مصر يعيط و اللي بخرج منها يعيط
أنا عيطت لما دخلتها وأكيد هعيط لما أخرج منها
إبـــداع : أحـــمد عــســقـلان مــن الأردن
المــهـنة : ســنة 5 كلـــية طــب القـصر العيـــني
لم يتعــدى الوقت الحادية عشـر و النصف بعــد الظــلام يفــوح من غـرفة لا يظهــر من معـالمهــا شـيء سوى كـأبـة مستتــرة , ضجــيـج العشــوائيات مـازال مستعــراً , مع فــواصل من الإزعــاج التي تسبــق أى تكتوك منـذرة بقــدومه و كــأن لســان حـالها يقــول " أوعــى القــطر ", ذـلك الأختـراع الذى غزا تلك المنــاطق , و الذى للحق نعمــة لأهــلها , فلا يــوجد صــاحب سيــارة أو تــاكسى قد يغــامر بسيــارته ليخــوض فى هـذه الحــواري و أشبــاه الشــوارع .. شــوارع أن قررت دخــولها فعليـــك بتحمــل مســؤلية الخـروج منهــا ,, فحـتى أن قـدرك الله على شق طريقك للدخــول و الخروج , فبالتأكيـــد لن ينعـم عليك أيضا بتفـــادى المطبات و " النقـر " دون خســائر
يـرقــد وحيـــدا فى الظلام , أسمــاعيل السيــد , مـدرس لغـة عربيـــة , لم يتخــطى حــاجز الأربعـــين بعـد , يخـفى الظلام كثــيرا من ملامــح الوقـار و الشيــب الذى لا ينــاسب سنـه , شعـره الذى خســر معظمــه و البــاقى تــلون بالأبيـــض , يــرفع يــده و ينظــر اليــها , يــراها فيعبس , ينهـــض و يســـدل ستــار قــديم على الشبــاك الوحــيد بالغرفة
حتـى الظلمــة أصبحــت صعبـة المنــال
يهمــس لنفســه
يعــود بخـطى ركيـكة للســريـر مــرة أخــرى , أمــعـانا فى الظلمــة يغطـى وجهــه , انهــا تلك الظلمــة المشــابهـة لظلمــة القبـــور
يفـكر بأختــه مروى و أمه , بعــد وفــاة أبيه من أثنى عشـر سنـة و هـو المسـئول عنهمــا .. يحبهمــا بلا شـك مـروى فى الخامسة و العشــرين , مخطـوبة من سنتيــن يحتــاج الكثــير من المــال لأتمــام تلك الزيجة , و تقريبــا كل ما يمـلكه شــارف على الأنتهــاء , و في زحــام مسـئوليته عن أختـه نســى أنه "رابــط " أبنة خـاله منذ أكثر من أربعــة أعــوام , سعــاد يحبهــا كثيــراً و لكن في ظـل تلك الظـروف و جـواز أختــه , سـوف يضطــر لتــأجيل زواجهمــا مرة أخرى , و يا عــالم إلى متـى
غيــر قــادر على الوفـــاء بمسـئوليته تجــاه أختـــه و سعــــاد و أحلامــه فقــدها منــذ زمـن و لم تـرجع , غيـــر قــادر على التمــلص من تـلك المسـئولية .. حـتى لا يمكنــه الأنتحــار أو الهــروب , فهـو بذلـك سيدمـر أكثــر من حيــاة , و يبخـــر أحلام أعــز من له فى تلك الدنيــا ..لا يمـــلك ســوى أن يحـــاول و يحـــاول و يبــذل ما قصارى جهده , مـا أقـســى أن تتعــــب بلا أمــل , و أن تعيــــش بلا شمــس تنتــظر شــروقها .
يهمـــس لنفســه
عنــدما يصبــح اليـــأس رفاهيـــة , و الجنـــون حــلم
الأسم : عمر عبــد العــظيـــم
السن : 22 سنة
الوظيفة : طالب فى كلية طب القصرالعيني
RSS Feed