رحلت دون أن تحدد موعد للقاء القادم
شدت على يدي
و همست لي مبتسمة
سنلتقي غداً و قصدت الطريق
كانت حروفها أحلى ما سمعت
قالت لي أنها تراني مثل الملاك
و دائماً أحب أن أراك
نسيمك عنبر
و أرضك سكر
و إني أحبك أكثر و أكثر
و جاء غداً
حلقت ذقني مرتين
مسحت نعلي مرتين
أخذت ثوبي الجديد
و جلست وحدي على المقعد
أحارب الأنتظار
و العاشقون يبتسمون
و قلبي يقول لي
أنتظر نحن سوف نبتسم
لعلها قادمة على الطريق
لعلها قابلت صدفة صديق
لعلها سهت
لعلها نست
لعلها ... لعلها
و لم تزل دقيقتان
الساعة النصف بعد الخامسة
النصف مر
ساعة ساعتان
و أمتد الظلام
ولم تجئ من وعدت
في النصف بعد الخامسة
و عندما أتت كانت تدق التاسعة
قلت لها
اسمعيني
لا تتركيني
خلف السياج
وحيداً بين الأحبه
كعشبة برية
قلب مهجور
وسط المدينة
لا تتركيني
قمراً تعيساً
كوكباً متسولاً بين العيون
لا تتركيني وحيداً
فى ليل الخريف الشاحب
و أحبسيني
بين يديكى كربيع العاشقين
فكي أسر قلبي بين سجون العاشقين
أنى أعلن أني مهزم أمام ذات العيون
الخضراوتين
أنى أحبك بكل ثلجة فى نفسي
أنتى وطني
انتى قلبي
أنتى عمري
ف أسمعيني
ولا تتركيني
شــــعـــر : أحـــمد عصـــــام
بعد رحيلي من مدينتك لا تنسيني
فـــ مدينتك سوف تذكرني و لن تنساني
لعل الموت في طريق عودتي يلقاني
أو تفتك بي من بعدك أحزاني
فتذكري أنه كان في مدينتك عنواني
سيري على شاطئ البحر في مدينتك
و تذكرينى فــ أنتي كلمة حب يعجز
عن وصفها الوجدان
و تذكري حبى لكي قبل كوني أنسان
مرت بحور السنين على قلبي
و لم يستطيع النسيان
فتذكرينى فلم يمحوكي مني الزمان
كل الكلمات فيك كل الكلمات منك
كل الكلمات أليك
حتى قلبي يشكو منك أليك
فتذكريني فـــ أنا من جعلت من الكلمات
ناي من صوت فيروز و أهديته أليك
فتذكريني فـــ أنا لا أستطيع أنتظارك
لا أستطيع الإستماع الى أم كلثوم أو كارمن
لا أستطيع الإستماع الى صوتك المفضل فيروز
لا أستطيع قراءة ما كتب ماياكوفسكى
كل ما أستطيع فعله هو تذكر مدينتك
طريقك.. بحرك ... شارعك الكبير ... و بيتك
أريدك أن تعرفي ان حروف أسمك
الخمسة هى صلواتي اليومية
أعرف حبك للأطفال كم تمنيت
أن أكون طفل أمامك فــ تعشقين
و يشعر قلبك بي فــ تفهمين
ليتك تدركين أنني يقتلني الحنين
أحبك ليت البحر يتكلم فـــ تسمعين
شــــعـــر : أحـــمد عصـــــام
البنت دي كل حاجة بحبها
فيها كل حاجة و عكسها
لمستها حنية بحسها
و ضحكتها نسمة من السما
و دموعها لو نزلت بموت أنا
البنت دي شهادة ميلادي عندها
أيام طفولتى اللي عيشتها
البنت دي روحي بتروحلها
يا أول كلمة حب قولتها
البنت دي نسمة الطفولة اللي حنتلها
رسمة القمر اللي من زمان بضحكلها
البنت دي نغمة حروفها و أسمها
كل الجنة مرسومة في رسمها
البنت دي كل الأماكن اللي بحبها
قلبي يوماتي يروحلها
يترجى موج البحر يقولها
مستني يوم يلمح قلبها
البنت دي فاكر يوم ما ودعتها
أخر دموع فراق نزلت عندها
البنت دي زي الجنة في بُعدها
و زي النار و قلبى قريب منها
بس حتى النار قلبى بعيد عنها
البنت دي في عينيها ايه بيشدنى
نظرتها لما تضمني
بحس أني مش أنا
و كأني طير و في السما
أصلي بجد بحبها
شــــعـــر : أحـــمد عصـــــام
1
بحبها أوى يوم الجمعة بعد الصلاة
و الناس كلها خارجة من الصلاة ماشية
ده بيسأل عـــلى ده و يقولوا ازاى العيال و أمهم
و ده لسه فــ الجامع بــيدعى لأبنه اللى فــ الثانوية
و الراجل بياع البطيخ واقف قدام الباب بيقول
أحمر و عـــ السكين و مجنونة يا أوطة
2
زحمة أوى عــ الباب و الناس خارجين
و زحمة فــ السوق وسط البياعين
اللى واقف عند بتاع السمك علشان العزومة
و الست اللى بتعمل لحمة مفرومة
ده بيقول أخبار أهرام جمهورية
و اللى واقف بيكلم مراته بيوصيها عــ الملوخية
3
و ياه على بسمتهم حواليك
أطفال تخيل ملايكة بين أديك
مشمرين الجلابية فاكرين هيسبقوا الريح
هما كده بسمة و لعب و مقضينها تفاريح
4
ده بيقول لأبوه عايز شيبسى و كراتيه
و التانى ببرأءة قالهم عايز قلبظ بجنيه
و جلاليبهم باظت من الجرى و أطينت
و أبوهم ولا همه بيقول كفايه
نظرت برأتهم أتكلمت
لكن أمهم لو فـــ المنظر ده شافتهم
أكيد هتلخبط عيشتهم
5
وعلشان دى أسرار بيوت
و علشان ممكن ستات تصوت و رجالة تموت
نرجع تانى لعشوائيتها الطبيعية
عشوائيتها اللى كل واحد فينا عشقها
مش بس في زحمتها
لكن حتى برده و أنت بتحاول ترسم صورتها
بتشدك و كأنك حتى منها
بجد هى كده و متنفعش تكون الا كده انا عشقتها و حبتها كده و حبيت أرسم صورتها العشوائية
شــــعـــر : أحـــمد عصـــــام
أنا اللي دايماً بفضل في الأخر
علشان ميجيش عليا الدور
دايماً ماشي جنب السور
كان نفسي قلبي يشوف النور
قبل الضلمة ما تصبح حكر
و يموت فيا قلبي البكر
و ميبقاش مني الا مجرد ذكر
أنا اللى في كشف الحاضر و الغايب
أسمي على طول غياب
أوقات بسمع الست
و أوقات بسمع حليم
انا أكتر واحد بيكره التعليم
وكنت الأخير دايماً فى دور المدرسة
في طابور التطعيم
أنا أخر تايب مع التايبين
وأخرهم فى الصلاه و التسليم
أنا حب أليم
و لسه سايب جرح قديم
و حتى برغم مرور السنين
انا لسه أوقات ياخدنى الحنين
ساعات بضحك وعلى طول حزين
أنا لسه فاكر أخر حد
كنت بحبه من البنى أدمين
أنا اللى عمرى ما طنشت أى فرض
لكن فــى صلاتي بـكون سرحان
و جوايا شخص هادي بجد
لكن أوقات بـكون فلتان
بتبقى عيونى فــى المصحف
لكن بالى بعيد شارد
و قلبى ساعات كتير يضعف
و أوقات يكون جامد
و روحى تسعد بركعتين فى الفجر
مع النسمه و صوت تواشيح
و سجودى دوا لـ التجريح
و بقول يارب طالب الستر
و بعد التوبة فيه 100 ذنب
و أقول ليا كفاية ذنوب
يارب انا نفسى فى حبك أدوب
و أرجع خالى كده من الذنوب
وأدعى عسى ربى يفك الكرب
و ألاقى نور يونسنى فــ طول الدرب
و جوا القبر يبقى أمان
و سامحنى ده أنا إنسان
و خايف من اللى حصل و من اللى كان
شــــعـــر : أحـــمد عصـــــام
اه يا بلد بتنامى عريانة
هى دى الخيانة
لما تنامى مرتاحة
جايبه منين التناحة
و صورك مليانه أباحة
وسط العالم ظهرك عريان
السما مليانة دخان
مفيش ظهر للغلبان
عاش عاش و لو مات
فى داهية هو ايه الا حيوان
يا بلد الظلم من غير حدود
يا بلد الفقر من غير حدود
والمرض من غير حدود
ليه دايماً في أرضك العار بيسود
و لابسين أسود عليكي
كل دى دموع في عنيكي
بس دى دموع ع مين ولا مين
يمكن اللى ماتوا في العباسية
و لا دى دموع الاتحادية
و لا بتوع بورسعيد
أصل الطرف التالت شغله شديد
يمكن يبقى موقعة الجمل
يا مصر زهقت قولى ايه العمل
ليه بس أعراضنا فيكى مباحه
للقريب قبل البعيد تكون متاحه
والكل يشوف ظهرك عريان بكل وقاحة
مش كفاية العار اللى ركبك من سنين
و احنا ساكتين و في قلوبنا كاتمين
الثورة لما قامت قامت علشان حق المساكين
قامت علشان أرواح ماتت فى البحر غرقانين
و أرواح ماتت فى القطر محروقين
تجيب حقهم هما و المعتقلين
هو ازاى لسه انتوا مش فاهمين
انا زهقت منك بقى انتى غبية مبتفهميش
و عليا مبتخفيش للأسف يا بلدى
انتى الوحيدة اللى مبتحبنيش
شــــعـــر : أحـــمد عصـــــام
في كل مكان كان بيلمح نظرتك
كل ضحكة بيشوف فيها ضحكتك
لو حتى بيتوه بيكون دليله سكتك
أنتي الحياه و أنتي الغنا
أنتى الحلم بعد المنى
و أنتى الحياه بتكون حياه بس و هو برفقتك
يلي حبك خلاه يكتب شعر و يبقى فيلسوف
يا وردة عطرها في الحب دوب ألوف
و هو واقف على بابك وسط الصفوف
كاتب عشانك كلمة من 4 حروف
و مش معاه غير قلب واحد
لا هو حمل أشتياق و لا حمل خوف
أصل هى اللى قلبه قال أنه بيعشقها
و كان دايماً بيحكيلها كل تفاصيله
و يعشقها حتى و هى بتحكيله
ده بكام حرف من أسمها
كان مالي كل كشاكيله
و شافها بتبص على فستان
قصاده واقفه في الفاترينه
مكنشى في جيبه غير حبة أشعار
و ضحكة ساكنة واخدها إيجار
راح بايع كل أشعاره فرط
و أجر كل أيامه من غير شرط
فـــطلعوا قد التمن بالظبط
فــــلف الفستان و خباه
ده لف كتير عشان يلقاه
و قال هينسى كل التعب و هى معاه
يومها فضلت عند البحر مستنياه
ولما جه الميعاد
شاف في عينيها ضحكة
نسته طول البعاد
و قالها في عينيكي ضحكة
و فــ كفك وطن و فـــ شعرك بحور
و فـــ حضنك بلاد
شــــعـــر : أحـــمد عصـــــام
