في أنواع كتيرة من الإدمان بس لو على إدمان الكحوليات و المخدرات سهل أوى التخلص منها مهما كانت صعوبته و أضراره حبة إصرار و عزيمة نقدر ننهى بيها أي صعب نواجهه في حياتنا و مهما أختلفت الظروف و أختلف الأشخاص و أنواع الإدمان دايماً بيجمعهم سبب واحد و هو الضعف
الضعف بيجعل من أي شخص فريسة سهلة للوقوع في الإدمان بس أصعبهم إدمان
الأشخاص خصوصاً لو تعقبها فراق
بس مش عيب نحب حد بزيادة أو نتعلق بيه أوى لأن الحب بإدمان مش خطيئة أو جريمة نعاقب عليها نفسنا علشان ممكن يكون أدمانا ده صحي مفيهوش أي ضرر لو هيوجعنا بــأي فراق أهم حاجه ميكسرناش وعلشان يكون صحي لازم نفضل أقوياء
أنا مع الإدمان الصحي إدمان ( السعادة – الأمل – الخير – الرضا – الحب ) بس بقوة و القوة مش قهر للي حوالينا القوة مساعدة و مساندة أحتواء مش ضغط
حب بقى ولا تعلق ولاغضب و لا فقد ولا هزيمة ولا أنتصار ولا خوف ولا نجاح ولا سعادة مش مهم أنهي واحدة في المشاعر دية متغلبة عليك المهم أحلى ما فيها تحافظ عليه و أصعب ما فيها مينتصرش عليك بالعكس مدى السعادة لما تتغلب على اللي يخوفك و تجتاز اللي وجعك
كن مدمن لشيء واحد في حياتك كن مدمناً للسعادة
كــتابـة : آمــنــه أبـــو بــكر
